| | هل الصداقه ممكن ان تتحول لحب والعكس صحيح؟ |  |
|
|
| كاتب الموضوع | رسالة |
|---|
ahmed taha
Admin
عدد الرسائل : 257
العمر : 35
تاريخ التسجيل : 05/09/2008
|  موضوع: هل الصداقه ممكن ان تتحول لحب والعكس صحيح؟  الإثنين 08 سبتمبر 2008, 2:50 am | |
|
شـــبــاب و صـبايا احلى منتدى
اكيد شفتو العنوان و هو موضوع نقاشي معاكم
هــل الصداقة ممكن تتحول لحب
و
هل ممكن الحب يرجع صداقة ؟؟؟؟
و بتمنى من الكل يدخلو و يعطونا اراءهم
و تحياتي لكم جميعا و لا تحرموونا من ردودكم
| |
|
| | |
fayroz
عدد الرسائل : 29
العمر : 36
تاريخ التسجيل : 08/09/2008
| | موضوع: هل الصداقه ممكن ان تتحول لحب والعكس السبت 13 سبتمبر 2008, 2:18 am | |
| ازيك يابو طه انت فعلا مواضيعك مهمه كلها ويعتبر ده كمان اهم موضوع وانا كان نفسى الموضوع ده يتناقش واعرف رأيك وراى غيرك من شباب المنتدى الهايل ده بس اهم سؤال دلوقتى وياريت عايزه الرد عليه هل ينفع ان البنت تدخل شات وتعرف ناس كويسين جدا ويكونوا اصدقاء مهمين وتاخد رايهم فى حجات كتير ويفدوها وبعد فتره من تعارفهم ببعض الشاب ده مثلا يقولها انه بيحبها مع ان هما متفقين من الاول على الصداقه يبقى ازاى اتحولت لحب فجأه كده لا وايه عن طريق النت ياترى بقى ده صداقه ولا حب ولا العكس ولا ايه بالظبط؟؟؟؟؟؟؟؟؟؟؟؟؟؟؟  | |
|
| | |
shams is here
عدد الرسائل : 2
تاريخ التسجيل : 13/09/2008
| | موضوع: رد: هل الصداقه ممكن ان تتحول لحب والعكس صحيح؟ السبت 13 سبتمبر 2008, 3:57 am | |
|  أولا: ده اول مشاركه ليه معاكم..بس بجد شكله لذيذ اوى انا من انصار تحديد العلاقه من البدايه...يعنى اذا كانت صداقه..يبقى تبدا صداقه..وتنتهى صداقه..اذا بدات حب..يبقى تنتهى بحب... لو حصل غير كده..يبقى تعود مش اكتر.... ده رائى ف ايجاز....واكيد ليه تعليق تانى هنا | |
|
| | |
mohamed aziz
عدد الرسائل : 1
تاريخ التسجيل : 13/09/2008
| | موضوع: رد: هل الصداقه ممكن ان تتحول لحب والعكس صحيح؟ السبت 13 سبتمبر 2008, 4:13 am | |
| [quote="shams is here"] تحديد العلاقه من البدايه. حبيب قلبي ياشمس ايه النور ده بس بختلف معاك في حاجه العلاقه سواء كانت حب او صداقه من المستحيل تحديدها من البدايه لان مشاعر الانسان حاجه مش بايديه ممكن تبقي انت وواحده اصحاب وتمام ويتحول لحب اما الحب لصداقه مفتكرش انه ممكن يحصل ولو حصل يبقي مكنش حب من البدايه بس الحب اللي بجد عمره ماهيكون صداقه احترام ماش ذكري حلوه اه انما صداقه ماافتكرش | |
|
| | |
ahmed taha
Admin
عدد الرسائل : 257
العمر : 35
تاريخ التسجيل : 05/09/2008
| | موضوع: رد: هل الصداقه ممكن ان تتحول لحب والعكس صحيح؟ السبت 13 سبتمبر 2008, 8:42 am | |
| اولا شكرا لمرور الجميع وبجد اراء هايله
اسمحولي بقي اقولكو رايي
استنو بقي عشان ابو طه هيتكلم
اولا ممكن الحب يتحول لصداقه وممكن الصداقه تتحول لحب ازاااااااااااااااااي
ممكن تكون صديق قريب جدا لصحبتك تمام وصحبتك دي بتقع في مشاكل وانت تساعدها وما بتتخلاش عنها ابدا وكل ده صداقه اكيد طبعا ان مشاعرها هتتغير من نحيتك ولا ايه يا رجاله فهتبدا بقي تهتم بيك اكتر وتخاف عليك وتسال عليك والحوارات بتاعت البنات دي ما انتو عارفينها
وممكن الحب يتحول لصداقه ازااااااااااااااااااااااااااااااااااي
ممكن اتنين يكونو بيحبو بعض اوي اوي اوي
وفجاه البنت او الولد يخطا خطء شنيييييييييع لا يغفر
فا من الطبيعي ان الواد او البنت تبعد مش تبعد بمعني الكلمه لا تبعد عن الحب ده لكن هيظل الولد ده في دماغها وصحاب واخوات وكل حاجه وبكده يبقي الحب اتحول لصداقه
مظبوط كلامي
NO COMMENT | |
|
| | |
shams is here
عدد الرسائل : 2
تاريخ التسجيل : 13/09/2008
| | موضوع: رد: هل الصداقه ممكن ان تتحول لحب والعكس صحيح؟ السبت 13 سبتمبر 2008, 9:46 pm | |
| اسمحلى بقى يابو طه اخالفك....
صدقنى لو حصل كلامك ده..يبقى مجرد تعود
الحب ده احساس بيربط الروحين من اول وهله..احساس صعب اوى انه يتحول لحاجه تانيه حتى لو كانت صداقه....
والصداقه علاقه حميمه بين طرفين...استحاله ابدااا يحسو بالحب الحقيقى..
وبعدين الحب ده من رائى مش بنتكعبل فيه كل دقيقه....
وانا مؤمن بمبدا حبك الاول هو حبك الاخير...
هتقوللى فيه ناس كتيره بتقعد تحب كتير لغايه ما توصل للاخير..
اقولك انا بقى ان ده ماكانش حب..ده وهم الحب...شبح الحب..ساعات الواحد بيبقى عايز يحب ..فبيتوهم بالحب...بس ده مش بيبقى حب حقيقى..
لان الحب الحقيقى هو اللى بيجى للانسان...فجاه تلاقيه جاى وسكن جوه قلبك..جوه مشاعرك..جوه كيانك...وصدقنى حبك الاول هو حبك الاخير بيجى مره واحده بس...او عشان نقول اكثر واقعيه..هنقول ان حبك الاخير هو حبك الاول....
ولسه التعليق مفتوووح | |
|
| | |
ahmed taha
Admin
عدد الرسائل : 257
العمر : 35
تاريخ التسجيل : 05/09/2008
| | موضوع: رد: هل الصداقه ممكن ان تتحول لحب والعكس صحيح؟ الأحد 14 سبتمبر 2008, 8:52 am | |
| ههههههههههههههههههههههههههههههه
لا طبعا يا برنس كلامك مش كلو مظبوط انا هسئلك شويه اسئله ولو الاسئله دي اتحققت معاك قولي ايه رد فعلك مع حبيبتك
لو شوفتها ماشيه مع واحد صحبك او غيرو هتعمل ايه؟
لو خانتك خيانه عظمي ؟طبعا قصدي مفهوم كويس
لو لقتها بتكلم ولاد علي الموبايل كتير ؟
لو لقيت علي موبايلها رسايل من ولاد وفيها حاجات مش مظبوطه؟طبعا مفهوم
لو لو صاحبك قالك عليها كلام غير مظبوط وفعلا لقيت كلامو صح يعني علاقات سابقه هتعمل ايه؟
اكيد من غير ما ترد الحب ده هيتحول لصداقه
وبعدين بقي انت لو مصاحب واحده اوك ووقفت معاك كذا مره وانت وقفت معاها كذا مره
اكيد يعني العلاقه بينكو هتتغير للاحسن وهيبقي في مشاعر واحاسيس
صح ولا ايه في كتير اوي كانو صحاب واتجوزو وخلفو واتجوزو علي قصه حب فظبعه واعرفهم كويس وكده كده اصلا الحب بيجي عن طريق الصداقه بمعني ايه؟
انت لو حبيت واحده مش بتروح الاول تتعرف عليها وتعمل بينك وبينها صحوبيه
مش مظبوط كده وبعد كده بقي بتقولها يعني الصداقه جت الاول وبعد كده جه الحب
بس ده الموضوع كلو اعتقد مافيش اي تعليق بعد كده
NO COMMENT | |
|
| | |
d_shib
عدد الرسائل : 115
تاريخ التسجيل : 08/09/2008
| | موضوع: الصداقة تتحول الى حب بس العكس صعب الخميس 16 أكتوبر 2008, 5:08 pm | |
| انا هكلم عن تجربة حقيقية انا بمر بيها ، انا تعرفت على شاب من على الانترنت كان كلامى معه عادى خالص ومفيش حد فينا حدد نوع العلاقة ( صداقة أو حب ) وانقطع الاتصال بينا عادى ما احنا مش متفقين على حاجة .
وتمر الايام وشهور والقدر يلعب لعبته وجدته صدفة على النت ومن اللحظة دى اصبح صديقى الوحيد
باخذ رايه فى كل حاجة ( شغلى ، حياتى الخاصة ، كل حاجة )
بس اللى انا خايفة منه انى احبة بجد ويبقى حب عمرى | |
|
| | |
ahmed taha
Admin
عدد الرسائل : 257
العمر : 35
تاريخ التسجيل : 05/09/2008
| | موضوع: رد: هل الصداقه ممكن ان تتحول لحب والعكس صحيح؟ الجمعة 17 أكتوبر 2008, 12:17 am | |
| | |
|
| | |
fayroz
عدد الرسائل : 29
العمر : 36
تاريخ التسجيل : 08/09/2008
| | موضوع: رد: هل الصداقه ممكن ان تتحول لحب والعكس صحيح؟ السبت 18 أكتوبر 2008, 12:56 am | |
| على فكره انا معاكى فى الحكايه دى لانى يعتبر نفس الموضوع معايا وانا برضه بعتبره صديق واخ ويمكن اكتر بس خايفه ليحصل فى الامور امور وكده يعنى
مش عارفه ايه الحل؟؟؟؟؟؟؟
يعنى مندخلش نت خالص احسن ولا ايه؟؟؟؟؟؟؟؟؟؟؟؟؟؟؟؟؟؟؟؟ | |
|
| | |
| | هل الصداقه ممكن ان تتحول لحب والعكس صحيح؟ | |
|
